Manoj Jarange patil Health Update । मनोज जरांगे पाटील यांचा मोर्चा मुंबईच्या वेशीवर येऊन धडकला आहे. नवी मुंबईतील वाशी या ठिकाणी एपीएमसी मार्केटमध्ये शुक्रवारी पहाटे मराठा समाजाची पदयात्रा पोहोचली आहे. आज वाशी या ठिकाणी मनोज जरांगे पाटील यांची जाहीर सभा होणार आहे आणि त्यानंतर ते आझाद मैदानाकडे रवाना होणार आहेत. मात्र त्याआधीच एक मोठी बातमी समोर आली आहे. मनोज जरांगे पाटील यांची प्रकृती बिघडल्याची माहिती समोर आली आहे.
पदयात्रेमुळे मनोज जरांगे पाटील यांच्या पायाला सूज आली असून त्यांना सकाळपासून ताप देखील आला आहे. त्यामुळे जरांगे यांची माथाडी भवन या ठिकाणी होणारी जाहीर सभा रद्द करण्यात आली आहे. जरांगे पाटील सध्या एपीएमसी मार्केट मधील प्रशासकीय इमारतीमध्ये आराम करत आहेत.
