सांगली :खबऱ्या प्रतिनिधी/ तासगाव तालुक्यातील सावळज गाव हे लोकसंख्येने मोठे असणारे गाव आहे, शहराच्या आसपास अंजनी -डोंगरसोनी – गव्हाण- वज्रचौंडे- बिरणवाडी -वडगाव- लोकरेवाडी -रामपुर -दहिवडी सिद्धेवाडी -जरंडी -वायफळे या गावांची लोकसंख्या मोठ्या प्रमाणात आहे .तक्रारी साठी तालुक्याच्या ठिकाणी जावे लागते,तासगावहुन पोलिसांना ग्रामीण भागात जाण्या- येण्यासाठी विलंब लागतो .याचा नागरिकांना तसेच पोलिसांना नाहक त्रास सहन करावा लागत आहे.सावळज येथे आऊट पोस्ट आहे, परंतु त्या ठिकाणी कर्मचारी कमी असून यंत्रसामुग्रीची कमतरता असल्याने सावळज येथे तक्रार आल्यास ती तासगाव पोलीस ठाणेकडे वर्ग केली जाते. याचा सावळज व तासगाव येथील पोलिस कर्मचाऱ्यांच्या वरती ताण पडतो .
अनेक दिवसांपासून सावळज येथे स्वतंत्र पोलीस ठाण्याची विविध स्तरातून मागणी होत असून त्याप्रमाणे सावळज येथे स्वतंत्र पोलीस स्टेशन व्हावे अशी मागणी नागरिकांकडून करण्यात येत आहे. तरी सदर मागणीचा विचार करून, प्रस्ताव तयार करून, निधी मंजूर होऊन कामाची सुरुवात करून, नवीन इमारत बांधण्यात यावी व सावळज येथे सुसज्ज व अद्ययावत स्वतंत्र पोलीस स्टेशन व्हावे, अशी मागणी राष्ट्र विकास सेना पक्षाच्या वतीने युवक प्रदेश अध्यक्ष प्रशांतभाऊ सदामते यांनी सांगली जिल्हाधिकारी यांच्याकडे निवेदनाद्वारे मागणी केली.
