🚨खून ब्रेकिंग |🔥 नशेत झालेल्या दोन तरुणांच्या झटापटीत गळा दाबून एकाचा खून

जत(प्रतिनिधी): जत तालुक्यातील माणिकनाळ व आक्कळवाडी या हद्दीतील शिंदी (ताडी) विक्रीच्या दुकान समोर झालेल्या झटापटीत पिंटू उर्फ रेवणसिद्ध कांबळे (वय 27, रा. माणिकनाळ ता.जत) याचा गळा दाबून खून झाल्याचची घटना सायंकाळी सात वाजण्याच्या सुमारास घडली.

मयत पिंटू उर्फ रेवनसिद्ध कांबळे हा ट्रॅक्टर चालक आहे. नशावर्धक शिंदी ताडी पिण्यासाठी माणिकनाळ व आक्कळवाडी हद्दीतील बॉर्डर वर गेले होते. त्याच्याबरोबर त्याचा चुलत भाऊ देखील सोबत होता. शिंदी पित असताना संजय खांडेकर यांच्यात वाद झाला. त्या दोघांच्यात झटपटी झाली. संजय याने रागाने त्याचा गळा आवळला. त्याचवेळी त्याचा चुलत भाऊ भांडणे सोडविण्यासाठी गेला. मात्र त्याचा त्यापूर्वीच मृत्यू झाला होता.

त्यांस तातडीने माड्याळ ग्रामीण रुग्णालयात नेण्यात आले. मात्र तो मयत झाल्याचे डॉक्टरांनी सांगितले नंतर जत येथिल ग्रामीण रूग्णालयात शव विच्छेदन करण्यासाठीं मृतदेह आणण्यात आला. रात्री उशिरापर्यंत या घटनेची उमदी पोलीस ठाण्यात नोंद झाली नव्हती.