तासगांव (प्रतिनिधी): कवठेएकंद येथे पूर्वीच्या वादाचा राग मनात धरून नागाव-कवठे येथील दोघा सख्ख्या भावावर कोयत्याने वार करण्यात आले आहेत. यामध्ये दोघे ही जखमी झाले आहेत. तर याप्रकरणी आठजणा विरूध्द तासगाव पोलिसात गुन्हा दाखल करण्यात आला आहे. यापैकी एकास अटक केली आहे.
याप्रकरणी नागाव कवठे येथील हिम्मत नामदेव पाटील यांनी सौरभ उत्तम पाटील, शितल उर्फ ओंकार अनंत पाटील, ओंकार सुभाष वाघमोडे, क्षितीज भारत पाटील, गोट्या उर्फ शिवसागर अनिल सुतार, आदित्य संजय पाटील, विवेक नागेंद्र वाघमोडे व स्वप्नील नंदकुमार सुतार यांच्या विरूध्द फिर्याद दिली आहे.
फिर्यादी व फिर्यादी त्यांचे भाऊ उत्तम पाटील हे तीन ऑगस्ट रोजी दुपारी १२ च्या सुमारास कवठेएकंद येथील सरस्वती फूटवेअर दुकानजवळ बोलत थांबले होते. त्यावरील आठ लोकांनी पूर्वीच्या वादातून खुन्नस धरली. यावेळी सौरभ पाटील यानी त्याच्या हातातील कोयत्याने फिर्यादीच्या डोक्यात मारून जबर वार केला. त्यावेळी उत्तम पाटील हे फिर्यादी यांना वाचवणेस पुढे आले असता क्षितीज पाटील यांनी त्यांचे हातातील कोयत्याने फिर्यादीच्या भावावर वार केले. तर ओंकार वाघमोडे यांनी कुन्हाडीने फिर्यादींच्या हाताच्या मनगटावर जबर वार केला.
शितल उर्फ ओंकार पाटील यांनी पाईपने फिर्यादीच्या डोक्यात, खांद्यावर व उजव्या गुडघ्यावर तसेच फिर्यादींच्या भावास पाठीवर व पायावर मारून जबर जखमी केले. तसेच गोट्या उर्फ शिवसागर सुतार, आदित्य पाटील, विवेक वाघमोडे, स्वप्निल सुतार यांनी फिर्यादी व फिर्यादीच्या भावास लाथाबुक्यांनी मारहाण केली. याप्रकरणी स्वप्निल सुतार (वय-२३) याला अटक करण्यात आली आहे.
