नेर्ले : बापूसाहेब कांबळे (ता. वाळवा ) | संभाजी भिडे यांनी महापुरुषांचे अवमानकारक वक्तव्य केल्यामुळे उद्या शुक्रवार दि.४ ऑगस्ट रोजी सर्व पुरोगामी संघटना, दलित महासंघ, शिव प्रेमी संघटना, देशप्रेमी नागरिकांतून इस्लामपूर बंदची हाक देण्यात आली आहे.
बहुजनांच्या प्रतिकांचे भंजन, ऐतिहासिक महापुरुषांचे मोठ्या प्रमाणात चारित्रहनन सुरू आहे. याची सुरवात राजमाता, राष्ट्रमाता जिजाऊ मॉंसाहेब यांच्या बदनामीपासून (जेम्स लेन प्रकरण) झाली. संत ज्ञानेश्वर माऊली, संत तुकोबाराय, छ. शिवाजी महाराज, छ. संभाजी महाराज, छ. शाहु महाराज, डॉ. बाबासाहेब आंबेडकर, राजा राममोहन रॉय, सूफी संत साईबाबा यांच्या विचारांच्या मोडतोडीचे आणि बदनामीचे घातक षड्यंत्र रचले जात आहे. गेल्या काही दशकांपासून खरे नाव लपवून बहुजनाच्यां तरुण मुलांना फसवणाऱ्या मनोहर कुलकर्णी उर्फ संभाजी भिडे यांनी अलिकडेच शिर्डीचे सूफी संत साई बाबा, म.जोतिबा फुले, महात्मा गांधी, भारतीय स्वातंत्र्य, राष्ट्रगीत आणि तिरंगा ध्वज यांच्या बाबत बुद्धीभेद करणारी व अवमानकारक विधाने केली आहेत.
मनोहर भिडे यांच्या या शिवद्रोही व देशविघातक कृत्यांचा निषेध करण्यासाठी सर्व शिवशंभू प्रेमी, राष्ट्रप्रेमी, प्रगतशील पक्ष व पुरगामी पक्ष संघटना यांनी इस्लामपूर बंदची हाक दिली आहे. तरी या बंदला समस्त शिवप्रेमी, राष्ट्रप्रेमी युवक, नागरिक बंधू- भगिनींनी उत्स्फूर्त प्रतिसाद द्यावा अशी विनंती करण्यात आली.
