मिरजेत शासकीय वैद्यकीय महाविद्यालयाच्या एमबीबीएसच्या प्रथम वर्गात शिकणाऱ्या विद्यार्थ्यांने गळफास घेऊन आत्महत्या केली आहे. सिध्दांत सुरेश तांबे (वय 19 वर्षे) असे आत्महत्या केलेल्या विद्यार्थ्यांचे नाव आहे.
सिध्दांत हा मिरजेतील कर्मवीर भाऊराव पाटील चौकातील एका अपार्टमेंट मध्ये भाड्याने राहत होता. मूळचा मुंबईचा असणारा सिद्धांत हा मिरज शासकीय वैद्यकीय महाविद्यालयात एमबीबीएसच्या प्रथम वर्गात शिक्षण घेत होता. सध्या या विद्यार्थ्यांच्या परीक्षा सुरू होत्या. सकाळी तो कॉलेजला आला नसल्यामुळे त्याच्या मित्रांनी त्याला मोबाईलवर फोन केला. मात्र तो प्रतिसाद देत नसल्यामुळे मित्राने प्लॅटकडे धाव घेतली. यावेळी दरवाजा आतून बंद होता. बराच वेळ आवाज दिल्यानंतरही प्रतिसाद मिळत नसल्यामुळे मित्रांनी दरवाजा तोडून आत प्रवेश केला असता,सिद्धांत यानें किचनमध्ये नायलॉन दोरीने गळफास घेऊन आत्महत्या केल्याचे दिसून आले.
पेपर अवघड गेल्याचे नैराश्यातुन आत्महत्या केल्याची प्राथमिक माहिती समजली आहे.या घटनेची माहिती मिळताच मिरज शहर पोलीस स्टेशनचे कर्मचारी हवालदार प्रशांत नाडगे, आयुब नदाफ,फ़ैय्याज बारगिर, मिलिंद पाटोळे यांनी घटनास्थळी धाव घेत पंचनामा करून मृतदेह शवविच्छेदनासाठी मिरज सिव्हिल हॉस्पिटल याठिकाणी पाठविला. याचा अधिक तपास मिरज पोलीस करीत आहेत.
