मिरज खबऱ्या प्रतिनिधी / बेडग ता. मिरज येथील मल्लेवाडी रस्त्यालगत असणाऱ्या खरात वस्ती येथील रामचंद्र ऊर्फ बंडू शंकर खरात (वय वर्षे ५०) यांचा रात्री साडे सात ते आठच्या दरम्यान घराकडे जात असताना कुऱ्हाडीने मानेवर घाव घालून निघृण खून केल्याची घटना घडली आहे.
डोक्याच्या मागील भागावर दोन व पाठवर दोन वर्मी घाव घातल्याने बंडु यांचा जागीच मृत्यू झाला. हा खून पूर्व वैमानस्यातून झाला असल्याचा संशय व्यक्त करण्यात येत आहे.
या घटनेची माहिती मिळताच मिरज ग्रामीण पोलीस ठाण्याचे सहाय्यक पोलीस निरीक्षक एस एम चव्हाण व पोलीस पथक घटनास्थळी दाखल झाले.
मयत बंडू शंकर खरात यांचा मृतदेह शवविच्छेदनासाठी मिरज शासकीय रुग्णालयात रात्री पाठवण्यात आला असून, अधिक तपास मिरज ग्रामीणचे पोलीस करत आहेत. यामध्ये गोपनीय खबऱ्याला मिळालेली अधिक माहिती अशी की, खून करून आरोपी स्वतः पोलिसात हजर झाल्याचे समजते आहे. आरोपीला पोलिसांनी ताब्यात घेतले असून त्याच्याकडे कसून चौकशी सुरू आहे.याचा पुढील तपास मिरज ग्रामीणचे पोलिस करत आहेत.
सांगली जिल्ह्यातील वाढती गुन्हेगारी पाहता, व बेडगमध्ये एकाच महिन्यात दुसरा असा प्रकार घडल्याने जिल्ह्यातील प्रत्येक गावात भीतीचे वातावरण आहे.
