विटा पोलिसांच्या सतर्कतेमुळे व करडी नजर असणाऱ्या कामगिरीमुळे विट्यातील गुन्हेगारीवर नियंत्रण मिळवण्यात पोलिसांना यश आले आहे. विटा पोलीस ठाण्याच्या हद्दीतील आळसंद गावात विक्रीसाठी आणलेल्या १७ तलवारींचे प्रकरण ताजे असतानाच आता जिवंत काडतुसांसह देशी बनावटीचे पिस्तूल विक्रीसाठी आणलेल्या एका अल्पवयीन तरुणास विटा पोलिसांनी अटक केली आहे.
अल्पवयीन तरुण हा विटा- खानापूर रस्त्यावरील बळवंत कॉलेज जवळ पिस्तूल विक्री करण्यासाठी येणार असल्याची गोपनीय खबऱ्याकडून माहिती मिळताच, विटा पोलिसांनी तातडीने सापळा रचत ताब्यात घेतले. त्याच्याकडून ४० हजार रुपयांचे देशी बनावटीचे पिस्तूल, एक काडतूस व दुचाकी असा मुद्देमाल जप्त करण्यात आला आहे.
