पलूस:- शिवसेना ठाकरे गटाचे जिल्हाप्रमुख संजय बापू विभूते यांच्या वाढदिवसानिमित्त २०० महिलांसह काढलेली देवदर्शन सहल उत्साहात संपन्न झाली. ही सहल दोन दिवस आणि तीन रात्री चालली यावेळी देवदर्शन सहलीचा आनंद घेणाऱ्या महिलांनी आयोजक दोस्ती पॉवर ग्रुपच्या अध्यक्ष व पदाधिकाऱ्यांचे तोंड भरून कौतुक केलं.
शिवसेना जिल्हाप्रमुख संजय बापू विभूते यांच्या वाढदिवसानिमित्त दि २० फेब्रुवारी रोजी रात्री देवदर्शन सहल आमनापूर येथून सुरू झाली. २१ रोजी सकाळी शनिशिंगणापूर दुपारी शिर्डी दर्शन झालं. शिर्डी येथे मुक्काम करण्यात आला. त्यानंतर २२ रोजी रांजणगाव महागणपती, थेऊर,नारायणपूर आणि रात्री प्रति बालाजी दर्शन घेण्यात आले. आणि नंतर परतीचा प्रवास. हा प्रवास २३ तारखेच्या पहाटे ३ वाजता आमनापूर येथे सम्पन्न झाला. यावेळी संपूर्ण सहली मध्ये दोस्ती पॉवरच्या संस्थापक अध्यक्ष शाहरुख संदे आणि त्यांच्या सहकारी पदाधिकाऱ्यांनी २०० महिलांना योग्य आणि नीटनेटके नियोजन करून सर्व व्यवस्था पुरवली.या संपूर्ण सहलीत महिलांसाठी भोजन, अल्पोपहार आणि चहापान आयोजकांनी केला होता. सहलीतील नीटनेटक्या नियोजनाने महिला अगदी भारावून गेल्या होत्या. सहलीच्या परतीच्या प्रवासा वेळी सर्व महिलांनी आयोजकांचे तोंड भरून कौतुक केले आणि शुभाशीर्वाद दिले.