पलूस:- पलूस तहसील कार्यालयाचा भोंगळ कारभार चव्हाट्यावर आला असून कार्यालयातील शासकीय कागदपत्रे खाजगी व्यक्तीच्या ताब्यात दिली असल्याची धक्कादायक बाब समोर आली आहे. कार्यालयाच्या नकला विभागात खाजगी व्यक्तींना ठेवण्यात आलं असून याठिकाणी असणारी सर्व शासकीय कागदपत्रे संबंधित व्यक्तींच्या ताब्यात दिली आहेत.
पलूस तहसील कार्यालयात असणारे सर्व जुने सातबारा आणि फेरफार तसेच विविध जुन्या केसेस ज्या विभागात असतात तो नकला विभाग (अभिलेख कक्ष) खाजगी व्यक्तींच्या ताब्यात देऊन या ठिकाणी संबंधितांनी शासकीय कागदपत्रांचे खाजगीकरण केलं आहे की काय ? असा सवाल उपस्थित केला जात आहे. यावर आणखी कारनामा म्हणजे याठिकाणचे खाजगी इसम सर्वसामान्य लोकांशी अतिशय उद्धट पणे वागत असतात. याबाबत तक्रारी होऊनही त्यांना संबंधितांकडून वारंवार अभय दिल जात असल्याचं बोललं जातं आहे. त्यामुळं शासकीय कार्यालयात खाजगी इसम ,”ये रिशता क्या कहलाता है” असा सवाल उपस्थित केला जात आहे.
