तासगाव : डोंगरसोनी (ता तासगाव) येथील भारतीय सैन्य दलाचे जवान गणपती शंकर भोसले यांचे यकृताच्या दीर्घ आजाराने शनिवारी पुणे येथे सैन्य दलाच्या रुग्णालयामध्ये निधन झाले.
मृत्यूसमयी त्यांचे वय ४० वर्षे होते, अशी माहिती तहसिलदार रविंद्र रांजणे यांनी दिली आहे.
गेल्या सहा महिन्यापासून पुणे येथील सैन्य दलाच्या रुग्णालयामध्ये त्यांच्यावर उपचार सुरु होते. शनिवारी त्यांची प्राणज्योत मालवली. गणपती भोसले यांचे पार्थिव रविवारी गावी आणण्यात येणार आहे. नऊ वाजता अंत्यविधी करण्यात येणार आहेत.
