कडेगाव:- कडेगाव तालुक्यातील अवैध वाळू तस्करीने आता एक विशिष्ट उंची गाठली आहे की काय ? असा सवाल उपस्थित होत आहे. अवैध वाळू तस्करीला आळा काही केल्या बसला जात किंवा बसवला जात नाही हे स्पष्ट होत असताना आता तालुक्यातील वाळू तस्कर खुले आम प्रशासनाला आव्हानच देत आहेत की काय ? असं दिसत आहे. तालुक्यात वाळू तस्कर अवैध वाळू तस्करीचे विडिओ काढून समाज माध्यमांमध्ये प्रसारित करीत धक्कादायक कृत्य उघड झाले आहे. आणि वैशिष्ट्य म्हणजे रात्री अवैध वाळू तस्करी सुरू केल्यानंतर विडिओ काढून लगेच ते सगळीकडे फिरवले जात आहेत.
कडेगाव तालुक्यातील अवैध वाळू तस्करीला प्रशासनाचा नाकर्ते पणा कारणीभूत असल्याचं किती तरी वेळा उघड झाले आहे. मात्र आता वाळू तस्कर प्रशासनाला खुले आव्हानच देत असल्याचे समोर येत आहे. तालुक्यातील अवैध वाळू तस्कर अवैध वाळू तस्करी करीत असताना त्याचा मोबाईल मध्ये विडिओ काढत असून तो विडिओ समाज माध्यमांवर प्रसारित करीत आहेत. त्याही वर तस्करांचे एवढं धाडस की अवैध वाळू तस्करी सुरू केल्या केल्या सदर विडिओ प्रसारित करीत आहेत. एवढं धाडस तस्करांना कशाने प्राप्त झालं हा संशोधनाचा विषय आहे.
तालुक्यातील अवैध वाळू तस्करी प्रशासनास थांबवणे जमणार नसेल तर अवैध वाळू तस्करी रोखण्यासाठी कार्यवाही चालू असल्याचा प्रशासनाकडून चाललेला दिखावा तरी किमान थांबवावा आणि सगळयांना खुले आम सूट द्यावी अशी संतप्त प्रतिक्रिया येरळा काठच्या शेतकऱ्यांमधून येत आहे.
