कडेगाव:- कडेगाव तालुक्यातील अवैध वाळू तस्करी हा आता घातकी मुद्दा बनत चालला असून महसूल प्रशासन यावर काही केल्या उपाय करण्यास तयार नसल्याचं दिसून येत आहे. रामापूर येथे अवैध वाळूची वाहतूक करणाऱ्या टेम्पो ने बुधवारी रात्री ९ च्या सुमारास ऊस भरून थांबलेल्या ट्रॅक्टर ट्रॉलीला पाठीमागून धडक दिल्याची गंभीर घटना घडली आहे. यामध्ये वांगी ता कडेगाव येथील युवक गंभीर जखमी झाला असून अपघातामध्ये अवैध वाळू वाहतूक करणाऱ्या टेम्पोचा पुढचा भागाचा अक्षरशः चुराडा झाला आहे. तर ट्रॅक्टर ट्रॉलीची धडी पूर्णपणे निकामी झाली आहे.
हा अपघात रात्री ९ च्या सुमारास झाला आहे आणि यावेळी टेम्पो अवैध वाळूने भरलेला होता म्हणजे कडेगाव तालुक्यात अवैध वाळू तस्करी किती वाजता सुरू होते आणि प्रशासन नक्की काय करतंय ? याचा विचार न केलेला बरा. याबाबत घटनास्थळी मिळालेली माहिती अशी की , वांगी येथील दोघेजण अवैध वाळूने भरलेला टेम्पो घेऊन वांगी तुन रामापूर मार्गे इतरत्र घेऊन चालले असताना रामापूर मध्ये ऊस भरून रस्त्याकडेला थांबलेल्या ट्रॅक्टर ट्रॉलीला पाठीमागून सदर टेम्पोची धडक बसली. यात टेम्पो मधील एक युवक गंभीर जखमी झाला आहे तर दुसरा किरकोळ. अपघातामध्ये टेम्पोचा पुढचा भागाचा अक्षरशः चुराडा झाला आहे तर ट्रॉलीची धडी निकामी झाली आहे. अपघात स्थळी लोकांनी गर्दी केली होती. घटनेची माहिती समजताच चिंचणी वांगी पोलीस ठाण्याचे अधिक वनवे घटनास्थळी दाखल झाले.
या अपघातावरून कडेगाव तालुक्यातील अवैध वाळू तस्करी खुले आम सुरू असल्याचे पुन्हा एकदा सिद्ध झालं असून वरिष्ठ अधिकाऱ्यांनी यावर कठोर पावले उचलावीत अशी मागणी होत आहे.
