मिरज : खबऱ्या प्रतिनिधी /अमली पदार्थाची विक्री व गांजा तस्करी याला प्रतिबंध करण्यासाठी मिरज शहर पोलिसांनी कारवाईचा बडगा उगारला. गांजा तस्करी करणाऱ्या रियाज मेहबूब सारवान (वय 39 वर्ष) रा. मंगल टॉकीज समोर मिरज व नवाज सैफन जमादार (वय 23 वर्षे) रा. गणेश तलावाजवळ मिरज या दोघांना ताब्यात घेण्यात आले.
संबंधित आरोपींकडून एकूण ६५ हजार ८२० रुपयांचा मुद्देमाल जप्त करण्यात आला. यामध्ये ९६७ ग्रॅम वजनाचा गांजा, एक्टिवा मोटरसायकल, व रोख रक्कम ४२५० रुपये जप्त करण्यात आले.
मिरज शहर पोलीस ठाण्याच्या गुन्हे प्रकटीकरण शाखेने सदरची कारवाई मिरज बेडग रोडवरील प्लॉटिंग जवळ केली. याबाबत मिरज शहर पोलीस ठाणे येथे गुन्हा रजिस्टर नंबर ३४५/२०२२ एनडीपीएस अॅक्ट कलम ८ (क) सह २० (ब ) दाखल करण्यात आले. या प्रकरणाचा तपास पोलीस उपनिरीक्षक जगन्नाथ पवार करीत आहेत.
सदरची कारवाई पोलीस निरीक्षक संजीव झाडे यांचे मार्गदर्शनाखाली सहाय्यक पोलीस निरीक्षक नितीन सावंत, विष्णू काळे, नागेश मासाळ, सचिन सनदी, गजानन बिरादार, दत्तात्रय फडतरे व दीपक परीट यांनी केली आहे.
