जयसिंगपूर : खबऱ्या प्रतिनिधी.
दिवाळी सण संपताच भुर्ररटयां चोरांचा सुळसुळाट वाढला आहे. जयसिंगपूर शहरातील दिपनगर आणि सांगली रोडवरील उदगाव गावात चोरी झाल्याची घटना ताजी असताना चोरट्याने घरफोडीचा मोर्चा पाळीव जनावरांच्यावर वळविला आहे. निमशिरगाव तालुका शिरोळ येथे पटवर्धन पोल्ट्री जवळ लोखंडी तारेचे शेड मधून 48 हजार रुपये किमतीची पांढऱ्या रंगाची 4 बोकडे तसेच 35 हजार रुपये किमतीच्या काळ्या व तांबड्या रंगाच्या 5 शेळ्या अज्ञात चोरट्याने चोरून धूम ठोकली आहे.
ही घटना 1 नोव्हेंबर रोजी रात्री साडेनऊ वाजण्याच्या सुमारास ते 2 नोव्हेंबर रोजी सकाळी सहा वाजण्याच्या मुदतीत घडली आहे. याबाबत तात्यासो लक्ष्मण जुगळे वय वर्ष 52 व्यवसाय बकरी राखणे (राहणार पटवर्धन पोल्ट्री जवळ निमशिरगाव ) यांनी दिली आहे. पोलिसांनी अज्ञात चोरट्याच्या विरोधात भा.द.वि.स 379 कलम प्रमाणे गुन्हा दाखल केला आहे. याबाबत पुढील तपास महिला पोलीस हेडकॉन्स्टेबल प्रभावती सावंत करीत आहेत.
