मिरज : खबऱ्या प्रतिनिधी / महापालिका अधिकारी आणि महापौरांनी अण्णाभाऊ साठे नगर येथील ड्रेनेज कामाकडे लक्ष्य द्यावे, मागासवर्गीय समाज असल्याने दुर्लक्ष करत आहे का ?नगरसेवक योगेंद्र थोरात यांनीं केलेला सवाल आता चर्चेला जोर धरू लागला आहे.
एका आठवड्याच्या मागे ड्रेनेजच्या पाण्याला कंटाळून अण्णाभाऊ साठे नगर येथील रहिवासी यांनी आंदोलन केले होते. या भागामध्ये रेल्वे स्टेशन, डॉ अण्णाभाऊ साठे यांचा पुतळा , पंढरपूर चाळ, कोल्हापूर चाळ येथून ड्रेनेजचे पाणी येऊन अण्णाभाऊ साठे नगर येथे पाईपला गळती असल्याने पाणी साठून राहते. गेली नऊ वर्षापासून नागरिक हा त्रास सहन करत आहेत. 2016 साली ड्रेनेज योजना आली पण शास्त्री चौकाच्या पुढे ती झाली नाही. यासाठी आज विरोधी पक्षनेते आणि प्रभाग क्रमांक 5 चे नगरसेवक संजय मेंढे यांच्याशी चर्चा झाली .
आज प्रभाग क्रमांक 20 मधील अण्णाभाऊ साठे नगर मध्ये ड्रेनेजचा प्रश्न मार्गी लागत नसल्याने नगरसेवक योगेंद्र थोरात यांनी महापालिका अधिकारी यांच्याकडे जाऊन लवकरात लवकर हा प्रश्न मार्गी लावण्यासाठी सुचना केल्या आहेत. मागासवर्गीय समाज असल्याने दुर्लक्ष करत आहे का?असा सवाल नगरसेवक योगेंद्र थोरात यांनी केला आहे. तसेच महापौर आणि महापालिका अधिकाऱ्यांनी या भागाकडे लक्ष देऊन हा प्रश्न लवकरात लवकर मार्गी लावावा असे बोलताना थोरात म्हणाले.
