मिरज : खबऱ्या प्रतिनिधी ; गणोशोत्सवाच्या पार्श्वभूमीवर शनीवारी मिरज शहरात पोलीसांनी पथ संचलन केले. तसेच मिरज शहर पोलिस ठाण्यामधून मिरासाहेब दर्गा- माळी गल्ली- बसवेश्वर चौक-कनवाडकर हौद- वैरण बाजार- जवाहर चौक- किसान चौक- सराफ कट्टा-गणेश तलाव या मार्गावर पथ संचलन करण्यात आले. यामध्ये वीस अधिकारी, वीस वाहने व कमांडो सहित 168 कर्मचारी सहभागी झाले होते.
किसान चौक येथील मुख्य बाजारपेठेत दंगल विरोधी पथकाचे प्रात्यक्षिक झाले.पुढील आठवड्यामध्ये गणेशाचे आगमन होत आहे.
महापूर आणि करोना संकटामुळे गणेशोत्सव गेली तीन वर्षे साजरा करता आला नाही. यावर्षी निर्बंधमुक्त वातावरणात उत्सव साजरा होत असल्याने गणेश भक्तांमध्ये उत्साह आहे. गणेशाच्या स्वागताची जोरदार तयारी सुरु असून सार्वजनिक मंडळाच्याकडून मंडप उभारणीची कामे सुरु आहेत.
या पार्श्वभूमीवर उत्सव शांततेत पार पडावा यासाठी शनिवारी सायंकाळी उप अधिक्षक अशोक वीरकर यांच्या नेतृत्वाखाली पोलीसांचे पथसंचलन झाले. यावेळी किसान चौकामध्ये दंगल नियंत्रण पथकाचे प्रात्यक्षिक करण्यात आले.
