मिरज : खबऱ्या प्रतिनिधी : खंडेराजुरी येथील श्री स्वामी विवेकानंद शिक्षण संस्थेचे न्यू इंग्लिश स्कुल खंडेराजुरी या विद्यालयास ग्राम दैवत ब्रम्हनाथ देवस्थानाच्या यात्रा कमिटीने चालू वर्षी जमा झालेल्या वर्गणीतून २५ हजारांची मदत शिक्षण संस्थेस देऊन हातभार लावला आहे.
हायस्कुलमध्ये शिकलेले विद्यार्थी मोठमोठ्या शहरात तसेच उच्च पदावरती कार्यरत आहेत. उत्तम गुणवत्तेचे शिक्षण आणि योग्य मार्गदर्शन देणाऱ्या या विद्यालयाचे दिवसेंदिवस नाव यशाच्या बाबतीत सर्वोच्च शिखर गाठताना दिसत आहे. आपले पाल्य चांगल्या प्रकारे घडवण्याचे काम आदर्श शिक्षकांकडून मिळणाऱ्या मार्गदर्शनाने उच्च पदस्थ होत आहेत. भविष्यात अशाच प्रकारे उत्तम शिक्षण मिळेल म्हणून खंडेराजुरी ग्रामपंचायत व ग्रामस्थ यांच्या वतीने विद्यालयास आर्थिक स्वरूपात ही मदत देण्यात आली. संस्थेच्या वतीने सहकार्यदाते व मदतकर्त्यांचे आभार मानण्यात आले.
यावेळी मुख्याध्यापक जाधव सर व कर्मचारी वृंद यांच्यासहित सरपंच गजानन रुकडे, उपसरपंच राहुल कांबळे, ग्रा. प. सदस्य इंद्रजित पाटील, आप्पासो दुधारे, बाळासाहेब पाटील,श्रीकृष्ण पाटील, महावीर माणगावकर,भरतेश माणगावकर,संपत पाटील यांच्यासहित ग्रामस्थ उपस्थित होते.
