हातकणंगले : खबऱ्या प्रतिनिधी ; सांगली -कोल्हापूर रस्त्यावरील मजले हद्दीत असलेल्या हॉटेल ट्रॅगल येथे जेवनाचे बिल देण्याच्या कारणातून झालेल्या वादावादीत ६ ते १० युवकांनी हॉटेल मधिल साहित्याची तोडफोड करून अंदाजे ६२ हजाराचे नुकसान केले . या प्रकरणी हातकणंगले पोलिसांनी राकेश शरद गायकवाड , रमेश शंकर कोरवी , किरण श्रावन देसाई , बबलू तेली , राहुल कोरवी , राहुल घुणकीकर, कार्तिक परीट , व इतर अनोळखी युवकांविरोधात हातकणंगले पोलिसांत गुन्हा दाखल करण्यात आला आहे .
पोलिसांकडून मिळालेली अधिक माहिती अशी की , हॉटेल ट्रँगल येथे आरोपी हे जेवन करण्यासाठी गेले होते .जेवन झाल्यानंतर बिल न देता हॉटेल मॅनेजर शितल पाटील ( वय ३४ ) राहणार जयसिंगपूर यांना शिवीगाळ करत लाथाबुक्क्यांनी मारहन करून हॉटेलमधील टेबल , खुर्ची , दरवाजे , लॅपटॉप , दाराच्या काचा , व इतर साहित्याची तोडफोड केली तसेच इतर ग्राहकांना शिवीगाळ केली . या प्रकरणी आरोपीन विरोधात हातकणंगले पोलिसांत गुन्हा नोंद झाला असून अधिक तपास हातकणंगले पोलिस करत आहेत
