🛑 मोठी ब्रेकिंग | CNG टँकरमधून गॅस गळती; साताऱ्यातील शेंद्रे परिसरात काही काळ तणाव, नागरिकांमध्ये भीती

खास प्रतिनिधी | गोपनीय खबऱ्या

सातारा शहरालगतच्या शेंद्रे गावाजवळ राष्ट्रीय महामार्ग क्रमांक ४ वर आज सीएनजी गॅसच्या टँकरमधून गॅस गळती झाल्याने एकच खळबळ उडाली. गॅस गळतीची माहिती मिळताच परिसरातील नागरिकांमध्ये भीतीचे वातावरण निर्माण झाले असून अनेकांनी सुरक्षिततेसाठी घटनास्थळापासून दूर धाव घेतली.

घटनेची माहिती मिळताच अग्निशमन दल, पोलीस आणि संबंधित यंत्रणा तातडीने घटनास्थळी दाखल झाल्या. गॅस गळतीवर नियंत्रण मिळवण्यासाठी आवश्यक उपाययोजना करण्यात आल्या असून, खबरदारीचा उपाय म्हणून काही काळ वाहतूकही नियंत्रित करण्यात आली. सुदैवाने या घटनेत कोणतीही जीवितहानी झाल्याची माहिती समोर आलेली नाही. मात्र, या घटनेमुळे काही काळ राष्ट्रीय महामार्गावर तणावाचे वातावरण निर्माण झाले होते.