खास प्रतिनिधी | गोपनीय खबऱ्या
सांगली जिल्ह्यातील मिरज शहरालगत असणाऱ्या टाकळी ग्रामपंचायतीच्या ‘ब’ गट परिसरात एक विचित्र आणि चिंताजनक घटना घडली आहे. एका २३ वर्षीय तरुणावर पाळीव बकरीवर लैंगिक अत्याचार करण्याचा प्रयत्न केल्याचा आरोप आहे.
पोलिसांकडून मिळालेल्या माहितीनुसार, सुभाषनगर परिसरातील एका कुटुंबाने आपल्या पत्र्याच्या शेडमध्ये बांधलेल्या शेळीवर रविवारी दुपारच्या दरम्यान लैंगिक अत्याचार झाल्याबद्दल पोलिसात गुन्हा दाखल केला आहे. शेळीच्या आर्त किंकाळ्यांचा आवाज शेजारील व्यक्तीने पाहिल्यानंतर हे प्रकरण समोर आले आहे. आकाश गणेश हाक्के असे गुन्हा दाखल झालेल्या तरुणाचे नाव आहे. पोलिसांनी त्याच्यावर भारतीय न्याय संहिता (BNS) कलम ३२५ व प्राण्यांचा छळ प्रतिबंधक अधिनियम १९६० च्या कलम ११(१) ‘अ’ या कलमान्वये गुन्हा दाखल केला आहे.
रविवारी दुपारी १२वाजण्याच्या सुमारास पाळीव शेळीसोबत लैंगिक कृत्य करण्याचा प्रयत्न आकाश हाक्के करत होता. हे अश्लील कृत्य करून आकाश हाक्के हा पळून गेल्याचेही सांगण्यात आले. मात्र पोलिसांच्या ११२ नंबर वरती तातडीने संपर्क साधल्यानंतर संशयित आकाश यास ताब्यात घेतले आहे.
या अभूतपूर्व घटनेत, शेळीच्या मालकाने आपली तक्रार दाखल केल्यानंतर परिसरात राहणाऱ्या रहिवाशांनी धक्का व्यक्त केला आणि सांगितले की, त्यांच्या परिसरात असे आरोप त्यांनी यापूर्वी कधीही ऐकले नव्हते. पोलिसांनी कथित प्राणी छळ प्रकरणी चौकशी सुरू केली आहे. पोलीस बीएनएस आणि प्राणी संरक्षण कायद्यांच्या संबंधित कलमांनुसार या प्रकरणाची तपासणी करत आहेत.
या विचित्र घटनेमुळे ग्रामीण गुन्हेगारीच्या स्वरूपाबद्दल गंभीर चिंता निर्माण झाली असून, नागरिकांनी गुन्हेगारांवर कठोर कारवाईची मागणी केली आहे. सुरू असलेल्या तपासाचा भाग म्हणून त्या प्राण्याची न्यायवैद्यक तपासणी होण्याची शक्यता आहे. पुढील तपास मिरज ग्रामीण पोलीस करीत आहेत.
