सांगली : खबऱ्या प्रतिनिधी / सांगलीत रोहन नाईक या तरुणाचा रंगपंचमी दिवशी खून करण्यात आला आहे. या प्रकरणातील मुख्य संशयित आरोपीबद्दलची माहिती समोर आली आहे. एका खून प्रकरणी हा आरोपी कारागृहात होता.
मात्र बारावी परीक्षा (Twelfth exam) देण्यासाठी तो जामिनावर बाहेर आला होता. आणि त्याने हे कृत्य केले आहे. अद्याप हा आरोपी फरार असून पोलीस त्याचा शोध घेत आहेत.
रोहन नाईक हा सांगलीच्या (Sangli) शंभर फुटी रोडवर राहतो. तो पेंटिंग व्यवसाय करतो पर्वा रंगपंचमी (Rangpanchami) असल्याने त्याने सुट्टी घेतली होती. यावेळी रंग लावताना दोन टोळी मध्ये वादावादी झाली आणि त्यावेळी ते प्रकरण मिटले होते.
मात्र, बार मध्ये पुन्हा वाद झाला आणि रोहन त्याच्या मित्रांना घेऊन बाहेर पडला यावेळी सांगली स्टँड रोडवर रोहनवर वार करण्यात आले आणि त्याचा मृत्यू झाला आतापर्यंत या खून प्रकरणी चार संशयितांना पोलिसांनी ताब्यात घेतले आहे. त्यातील दोघांना अटक करण्यात आली आहे. तर मुख्य संशयिताचा अद्याप शोध सुरू आहे.
