पोलीस प्रशासनाने अतितातडीने आता पाच पलंग आणल्याचे समजल्यानंतर चर्चेने सर्वत्र खळबळ उडाली आहे.
वाल्मिक कराड यांना बीड पोलीस स्टेशनमध्ये ठेवण्यात आल्यानंतर तातडीने पोलिस ठाण्यात पाच नवीन पलंगांची व्यवस्था करण्यात आली. या पलंगांची व्यवस्था आरोपींसाठी करण्यात आल्याची चर्चा आहे. मात्र, पोलिसांनी ही व्यवस्था स्वतःसाठी असल्याचे स्पष्ट केले आहे.
सरपंच संतोष देशमुख यांच्या हत्येनंतर चर्चेत आलेले नाव वाल्मिक कराड यांनी पुणे सीआयडीकडे काल (मंगळवार) शरणागती पत्करली. त्यानंतर त्यांना बीड येथील केज न्यायालयात हजर करण्यात आले, जिथे न्यायालयाने त्यांना १५ दिवसांची पोलीस कोठडी सुनावली आहे.
