सांगली प्रतिनिधी | पुष्पा २ हा सिनेमा सध्या हाऊसफुल्ल आहे. शहरासह जिल्ह्यातील सर्वच चित्रपटगृहात चाहत्यांची गर्दी दिसून येत आहे. आज शहरातील एक फॅन चित्रपट पाहण्यासाठी जुना बुधगाव रस्त्यावरील न्यू प्राईड येथे गेला. सोबत एक मित्रही होता. चित्रपट पाहण्याअधीच तो पुष्पा प्रमाणे चालू लागला होता. त्यानंतर सिनेमा सुरू झाला.
चित्रपटातील नटाची इंट्री झाली आणि हा फॅन चांगलाच जागा झाला. त्याने चक्क स्वतःचे कपडे काढून सायंकाळीच्या सुमारास धिंगाणा घालायला सुरूवात केली. सिनेमासाठी अनेक महिलांचीही उपस्थितीती होती. त्याचा हा नंगा नाच पाहुन अनेकांनी चित्रपटगृहाच्या मालकांकडे तक्रारी केल्या.
त्यानंतर मालकाने थेट शहर पोलिस ठाण्याचे निरीक्षक संजय मोरे यांना फोन केला. त्यांनी तातडीने पोलिसांची फौज पाठवत पुष्पा फॅनला ताब्यात घेण्याचे आदेश दिले. शहर पोलिसांनी तातडीने या फॅनला पोलिस ठाण्यात आणले. तोपर्यंत हा फॅन धुंद अवस्थेतच होता.
पोलिसांनी त्याला खाक्या दाखवताच त्याने माफी मागितली अन् पुन्हा चित्रपटच पाहणा नाही, अशी शपथ घेतली. या पुष्पा फॅनची ही करामत पोलिस वर्तुळात चर्चेचा विषय बनली. मात्र, पोलिस निरीक्षकांनी याची गांभिर्याने दखल घेत शहरातील चित्रपटगृहासमोर पोलिस बंदोबस्त तैनात करण्याच्या सूचना दिल्या.
