मिरज – खबऱ्या प्रतिनिधी | निलजी गावातील शेतमजुरी करणाऱ्या महिलेवर सामूहिक अत्याचार करून दागिन्यांची लूट करणाऱ्या आरोपीना तातडीने अटक व्हावी, यासाठी विविध संघटना, पक्ष व महिला मोर्च्याच्या पदाधिकारी आक्रमक होत निवेदने देण्यात आली होती. तसेच आरेवाडी – केरेवाडी परिसरातील सशस्त्र दरोडा व त्यासंदर्भातील नवीन अपडेट्स, पकडलेले आरोपी व त्याबाबतीत अतिरिक्त माहिती देण्यासाठी वरिष्ठ अधिकाऱ्यांनी तातडीने बैठक बोलावल्याचे गोपनीय खबऱ्याकडून सांगण्यात आले. या दोन्ही प्रकरणाचा तपास करण्यास विलंब लागल्याने पोलिसांवर जनतेतून तिखट प्रतिक्रिया देत दबाव वाढल्याने पथके तयार करण्यात आली.
तपासाच्या अनुषंगाने पोलिसांनी विशेष ३ पथके तयार करून विविध भागात आरोपींचा शोध घेण्यासाठी यंत्रणा कार्यरत केली.आता मात्र थेट विशेष पोलीस महानिरीक्षक सुनील फुलारी हे मिरज दौऱ्यावर येत असून याबाबत ते माध्यमांसमोर काय प्रतिक्रिया देणार याची प्रतीक्षा आहे.
