सोलापूर : राष्ट्रवादी काँग्रेसचे माजी उपमहापौर हारून सय्यद यांचे रविवारी सकाळी निधन झाले. नई जिंदगी भागातील लोकमान्य नगर इथल्या त्यांच्या राहत्या घरातून त्यांची अंत्ययात्रा निघणार असून मोदी स्मशानभूमीत त्यांच्यावर अंत्यसंस्कार करण्यात येणार असल्याचे समजले. मागील काही दिवसांपासून त्यांची तब्येत खालावली असल्याने खाजगी रुग्णालयात उपचारासाठी दाखल करण्यात आले होते, रविवारी उपचारा दरम्यान त्यांचा मृत्यू झाला.
सय्यद हे सोलापूर महानगरपालिकेत चाविवाला या चतुर्थश्रेणी कर्मचारी या पदावर कार्यरत होते. 2012 साली झालेल्या महापालिकेच्या सार्वत्रिक निवडणुकीत त्यांनी आपल्या पदाचा राजीनामा देऊन राष्ट्रवादी काँग्रेस कडून निवडणूक लढविली. ते चांगल्या मतांनी विजयी झाले, त्याबद्दल त्यांना उपमहापौर पद मिळाले. त्यावेळी राजकारणात त्यांची बरीच चर्चा झाली. 2017 साली मात्र त्यांचा पराभव झाला.
