सांगली. : जिल्ह्यात मटका सुरु करावा अशी समाज विघातक मागणी करणाऱ्या राष्ट्र विकास सेनेच्या आंदोलनकर्त्यांवर गुन्हा दाखल करण्यात आला. विश्रामबाग पोलिस ठाण्याचे निरीक्षक संजय मोरे यांनी ही माहिती दिली.
राष्ट्रविकास सेनेचे संस्थापक अध्यक्ष सुधाकर प्रभाकर गायकवाड, प्रदेश अध्यक्ष आमोस समवेल मोरे, युवक प्रदेश अध्यक्ष प्रशांत लक्ष्मण सदामते, विक्रम रामचंद्र मोहीते, संजय मोहन लोखंडे व इतर ३ पदाधिकारी यांच्यावर हा गुन्हा दाखल केला आहे.
जिल्हाधिकारी यांचा बंदी आदेश असताना 24
एप्रिल रोजी जिल्हाधिकारी कार्यालयासमोर
आंदोलन करुन जोरजोरात घोषणाबाजी केली.
जिल्हाधिकारी यांच्या आदेशांचा भंग केला म्हणून त्यांना विश्रामबाग पोलिस ठाण्याचे सहायक पोलीस निरीक्षक अमितकुमार पाटील व गोपनिय पोलीस अमंलदार यांनी ताब्यात घेतले. पोलिस अंमलदार सद्दाम मुजावर यांनी महाराष्ट्र पोलीस कायदा कलम 37 (1) (3) अन्वये फिर्याद देवून गुन्हा दाखल केला आहे. हवालदार संजय मोटे तपास करीत आहेत.
