मिरज प्रतिनिधी /कुपवाड – मिरज रस्त्यावरील शेवया फॅक्टरी जवळील नैसर्गिक ओढा काही शेतकरी आणि प्लॉट धारकांनी जेसीबीच्या सहाय्याने गायब केल्याची ठोकळ माहिती खबऱ्याला मिळाल्यानंतर त्याची अधिक माहिती घेण्यात आली.
येथील शेतकरी आणि प्लॉट धारकांनी तो ओढाच गायब केल्याची आश्चर्य करणारी माहिती समोर आली.
पत्रकारालाच अरेरावी करणाऱ्या जमादार ने ओढाचं विकत घेतला की काय..? का प्रशासनातील कोण्या अधिकाऱ्याला हाताशी धरून सौदा झाला..? प्रशासन हा नैसर्गिक ओढा कधी मोकळा करणार..! महापालिका कारभाऱ्यांनी याकडे लक्ष देणे गरजेचे आहे. अन्यथा , बोकाळलेल्या प्लॉट धारकांनी प्रशासनाच्या ताब्यातील जागा गिळंकृत केल्या तर नवल वाटू नये.
महापालिका क्षेत्रातील असे अनेक नैसर्गिक ओढ्यांचे प्रवाह बदलण्याचे उद्योग सुरू आहेत. नगररचना विभागातील अधिकारी कर्मचाऱ्यांच्या संगतमताने असे प्रकार सुरू असल्याचे बोलले जात आहे ? यामुळे नैसर्गिक ओढ्यांचे अस्तित्व धोक्यात आले आहे. हा ओढा पूर्वीपासून आहे. सदरचा नैसर्गिक ओढा मंजूर आराखड्यामध्ये स्पष्टपणे दिसतोय. दरम्यान मिरज रोडवरील त्या प्लॉट धारकाने आपला प्लॉट वाचवण्यासाठी तेथील ओढाच गायब केल्याचे समोर आले आहे.
