कुंडल प्रतिनिधी : शुभम जाधव (खबऱ्या ऑनलाईन)
ज्यादा व्याज आकारून सावकारकीचा जाच होत असलेल्या दुधोंडी येथील शेतकऱ्याने कुंडल पोलीस ठाण्यात फिर्याद दिली आहे.
पलूस तालुक्यामध्ये सावकारी जोरात असून शेतकऱ्यांची व सर्वसामान्यांची पिळवणूक होत आहे. असाच प्रकार २०१० पासून एका शेतकऱ्याच्या बाबतीत झालाय. या सावकाराने व्याजापोटी आकारणी म्हणून १४ लाख ५२ हजार रुपयांचा हिशोब करीत फिर्यादीस शिवीगाळ, दमदाटी व जीवे मारण्याची धमकी दिली आहे.
सदर प्रकरणी बाळासो महादेव कदम व अनिल महादेव कदम (दोघेही रा. दुधोंडी ,ता.पलूस) असे सावकारांचे नाव आहे. दोन्हीही संशयीतांवर महाराष्ट्र सावकारी अधिनियम २०१४ कायद्यान्वये कलम ३९, ४५, ४५२, ५०७, ५०४, ५०६, ३४ नुसार कुंडल पोलीस ठाणे येथे गुन्हा दाखल झाला आहे.
सन २०१० मधील व्यवहारापोटी सहा लाख,२०१२ च्या व्यवहारापोटी पुन्हा सहा लाख व २०१५ मध्ये २ लाख ५२ हजार रुपये केवळ व्याजपोटी घेतले आहेत.
गुरुवारी रात्री अकरा वाजले पासून आज मध्यरात्री दोन वाजेपर्यंत गुन्हा दाखल करण्याचे काम कुंडल पोलीस ठाण्यामध्ये सुरू होते.
