मिरजेत तीन घरे फोडण्याचा प्रयत्न

मिरज; खबऱ्या प्रतिनिधी; शहरातील उदगाव वेस येथे तीन घरे फोडण्याचा चोरट्यांचा प्रयत्न फसला. चोरट्यांच्या हाती काही न लागल्याने चोरट्यांनी पलायन केले.

चोरट्यांनी आजूबाजूच्या घरांना बाहेरून कड्या घालून हा चोरीचा प्रयत्न केला. याबाबत घटनास्थळावरून मिळालेली माहिती अशी, शहरातील उदगाव वेसमधील शाळा नंबर 10 जवळ गुरुवारी मध्यरात्री काही चोरटे आले. यावेळी बंद असलेल्या घरावर पाळत ठेवून चोरट्यांनी कुलपे तोडली. परंतु त्या घरामध्ये चोरट्यांच्या हाती काही लागले नाही. त्यामुळे चोरट्यांनी पलायन केले.