जत प्रतिनिधी | गोपनीय खबऱ्या
येळवी पंचायत समिती गण हा सर्वसाधारण पडल्याने भाजपचे सामाजिक कार्यकर्ते डॉ.समाधान जगताप यांनी येळवी गणातून निवडणूक लढवावी. आम्ही त्यांच्या पाठीशी राहून मोठ्या मताधिक्याने विजय मिळवू असे मत व्यक्त करत आहेत. येळवी गटात आतापर्यंत सर्वाधिक कमी कामे झाली. परंतु आता आमदार गोपीचंद पडळकर यांच्या माध्यमातून भरपूर निधी येत आहे. याचा आपल्याला फायदा होणार आहे. येळवी गणात अजून भरपूर काम करायचे आहेत. ते व्हिजन डोळ्यासमोर ठेऊन कार्यकर्त्यांच्या आग्रहास्तव माझी उमेदवारी आहे, असे डॉ.जगताप म्हणाले. येळवी गणात येळवी,खैराव, टोणेवाडी, सनमडी, घोलेश्वर,कोनिकोनुर,काराजनगी,निगडी खुर्द या गावांचा समावेश आहे.
या गावात डॉ.समाधान जगताप यांचा चांगला संपर्क आहे. त्यांना मानणारा मोठा वर्ग या येळवी गणात आहे. या गणातील गावांना वंचित घटका पर्यंत शासकीय योजना पुरवणे व आपल्या भागातील सर्वांगीण विकास करतील असा विश्वास असल्याचे श्रीमंत अष्टविनायक मंडळाचे संस्थापक अविनाश पोरे यांनी सांगितले.
