विधानसभा निवडणुकीचा प्रचार आता शिगेला पोहोचला आहे. अनेक पक्षामध्ये बंडखोरी करून उमेदवार मैदानात उतरले आहे. पण बीडमध्ये वंचित आघाडीमध्ये बंडखोरी केली म्हणून उमेदवाराच्या तोंडाला काळं फासून बेदम मारहाण करण्यात आली.या घटनेचा व्हिडीओ व्हायरल झाला आहे.
बीडच्या केज विधानसभा मतदारसंघातील वंचित बहुजन आघडीचे पुरस्कृत उमेदवार सचिन भिमराव चव्हाण यांना वंचितच्या जिल्हाध्यक्षाने तोंडाला काळे फासून फटके देत मारहाण केल्याचा धक्कादायक प्रकार उघडकीस आला आहे. काही दिवसांपूर्वी सचिन चव्हाण यांनी भाजपचे उमेदवार यांच्याकडून प्रचार यंत्रणा आणि आर्थिक मदत घेतल्याची कबुली देखील दिली होती. तसंच पक्षश्रेष्ठीकडे तसे पत्र पाठवून द्या, मी शिक्षा भोगायला तयार असल्याचा देखील सांगितलं होतं.
त्यामुळे बाळासाहेब आंबेडकर यांच्या पक्षाची बदनामी होईल अशा पद्धतीचे वर्तन केलं. यामुळे संतापलेल्या जिल्हाध्यक्ष शैलेश कांबळे यांनी उमेदवार सचिन यांना चौकात काळे फासून मारहाण केली.
