🛑 LIVE | गोपनीय खबऱ्याकडून जाणून घ्या अपडेट..!

केंद्रीय गृहमंत्री अमित शहा यांच्या दौऱ्या दरम्यान आज पुण्यातील हे रस्ते बंद तर हे रस्ते सुरू👇

महावीर चौक : महावीर चौकाकडून चिंचवडगावाकडे जाणाऱ्या सर्व प्रकारच्या वाहनांना प्रवेश बंदी करण्यात येत आहे. त्यामुळे पर्यायी मार्गावरून ही वाहने महावीर चौकाकडून खंडोबा माळ चौक येथून इच्छित स्थळी जातील.

दर्शन हॉल लिंक रोड : लिंकरोडकडून अहिंसा चौकाकडे येणाऱ्या सर्व प्रकारच्या वाहनांना प्रवेशबंदी करण्यात येतं आहे.

पर्यायी मार्ग: वाहने मोरया हॉस्पिटल चौकाकडून इच्छित स्थळी जातील.

रिव्हर व्ह्यू चौक: अहिंसा चौक बाजूकडे जाण्यास सर्व प्रकारच्या वाहनांना प्रवेश बंद करण्यात आली असून ही वाहने या चौकाकडून वाल्हेकरवाडी, बिजलीनगरमार्गे इच्छित स्थळी जातील.

🛑 अमित शहा यांच्या हस्ते सहकार विभागाच्या डिजिटल पोर्टलच उद्घाटन..

अमित शहा यांच्या हस्ते सहकार विभागाच्या डिजिटल पोर्टलच उद्घाटन होणार आहे. त्यासाठी सहकार क्षेत्रातील अनेक लोकं प्राध्यापक रामकृष्ण मोरे सभागृहाच्या बाहेर जमायला सुरुवात झाली आहे. विविध सहकारी बँक, संस्था, पतसंस्था आशा विभागातून अनेक नागरिक या कार्यक्रमासाठी दाखल झाले आहेत.

🛑 अमित शहांच्या पुणे दौऱ्याच्या पार्श्वभूमीवर पुणे पोलिसांची कडक सुरक्षा व्यवस्था..

केंद्रीय गृहमंत्री अमित शहांच्या पुणे दौऱ्याच्या पार्श्वभूमीवर पुणे पोलिसांनी कडक सुरक्षा व्यवस्था ठेवली आहे. अमित शहा ज्या हॉटेलमध्ये मुक्कामी आहेत, त्या हॉटेल परिसरात बंदोबस्त तैनात करण्यात आला आहे. डॉग स्कॉड पथक, बॉम्ब शोधक पथक हॉटेल परिसरात दाखल आहे. त्याचबरोबर संपूर्ण हॉटेलची तपासणी वारंवार करण्यात येत आहे.

🛑 वरोरा शहरात सेक्स रॅकेट चालवणाऱ्या टोळीचा पर्दाफाश..

चंद्रपूर : वरोरा शहरात सेक्स रॅकेट चालवणाऱ्या टोळीचा पर्दाफाश करण्यात पोलिसांना यश आलं आहे. १४ वर्षीय अल्पवयीन मुलीला पैशाचे आमीष दाखवून दोन दलालांनी देह व्यापार करण्यास पाडले भाग होते. दलालांमध्ये १ महिला आणि एका पुरुषाचा समावेश आहे. पोलिसांनी दोन्ही दलालांसह ९ ग्राहकांना अटक केली आहे. या प्रकरणाची सखोल चौकशी करण्यासाठी पोलीस अधीक्षकांनी उपविभागीय पोलीस अधिकारी आयुष नोपाणी यांच्या नेतृत्वात एक एसआयटी स्थापन केली आहे.

🛑 ब्रेकिंग : पुण्यात दहशतवाद्यांनी वापरलेली गाडी एटीएसने ताब्यात घेतली..

पुण्यात दहशतवाद्यांनी वापरलेली गाडी एटीएसने ताब्यात घेतली आहे. ताब्यात घेतलेली गाडी पाहणी करण्यासाठी वापरली होती. त्याचबरोबर एक चारचाकी सुध्दा सापडली आहे. त्या गाडीत २ पिस्टल आणि ५ जिवंत काडतुसे आढळून आली होती. १८ जुलै रोजी मोहम्मद इम्रान खान आणि मोहम्मद युनूस साकी यांना कोथरूड पोलिसांनी अटक केली.