मिरज: खबऱ्या प्रतिनिधी /मिरासाहेब दर्गा हा मिरजच्या रेल्वे स्टेशनजवळ स्थित मुस्लिम आणि हिंदू दोन्ही समुदायांसाठी एक सामान्य उपासना केंद्र आहे.
हजरत मीरासाहेब आणि त्यांचा मुलगा हजरत शमासुद्दीन हुसैन यांचा आशीर्वाद घेण्यासाठी दर गुरुवारी सकाळी हजारो लोक दरगाहकडे येतात. हजरत मीरासाहेब त्यांच्या काळातील एक सुफी संत होते. असे म्हटले जाते की अल्लाहच्या आज्ञेवरून ते मक्का (सौदी अरेबिया) येथून भारतात आले होते. त्यांनी आपल्या जीवनातून इस्लामचा प्रचार केला. दरवर्षी साजरा होणाऱ्या सणात लाखो लोक याठिकाणी भेट देतात व आशीर्वाद घेतात.
आज गुरुवारच्या निमित्ताने मिरज शहर पोलीस ठाण्याचे नूतन पोलीस निरीक्षक संजीव झाडे यांनी कर्मचाऱ्यांसमवेत मिरासाहेब दर्ग्याला आशीर्वाद घेण्यासाठी भेट दिली. यावेळेस दर्ग्याचा इतिहास दर्ग्याचे खादिम अजगर शरीकमसलत यांनी पोलीस निरीक्षक झाडे यांना सांगितला.
यावेळेस “मी मिरजेत आपल्या चरणी आलेलो आहे, मिरज सारख्या मोठ्या शहरात हिंदू मुस्लिम ऐक्याचे प्रतीक असणाऱ्या शहरामध्ये उत्कृष्ट पद्धतीने सेवा करण्याची संधी मिळावी. कोणत्याही प्रकारचा अनुचित प्रकार घडणार नाही. मला आपले आशीर्वाद द्या.” असे म्हणत पोलीस निरीक्षक झाडे नतमस्तक झाले.
कोणाशीही न बोलता नदीवरून आणले जाते पाणी..
मिरजेच्या मिरासाहेब दर्ग्याचे खादीम अजगर शरीकमसलत यांनी पोलीस निरीक्षक झाडे यांच्याशी संवाद साधताना दर्ग्यामध्ये मिरजेच्या कृष्णाघाटावरून नदीचे पाणी आणले जाते याबद्दल काही किस्सा सांगितला, वर्षातून आठ दिवस हे पाणी आणले जाते, पाणी आणत असताना कोणाशीही कसलेही भाष्य केले जात नाही , एकदम मौनावस्था धारण करून हे पाणी आणलं जातं. असेही खादीम अजगर शरीकमसलत यांनी सांगितले.
