सांगली:- महसूल खात्यातील तब्बल १९ कर्मचाऱ्यांना नुकतीच पदोन्नती मिळाली असून कर्मचाऱ्यांना पदोन्नती मिळणे हा त्यांच्या आयुष्यातील सुखद क्षण असतो त्यास आणखी खास करण्याच्या उद्देशाने महाराष्ट्र राज्य महसूल कर्मचारी संघटना सांगली जिल्ह्याच्या वतीने संबंधित १९ कर्मचाऱ्यांच्या सत्कार समारंभ व पुणे विभागातील महसूल कर्मचारी संघटना पदाधिारी मेळाव्याचे आयोजन केले असून सदर कार्यक्रमास महसूल कर्मचाऱ्यांनी मोठे संख्येने उपस्थित राहावे असे आवाहन पुणे विभागीय महसूल कर्मचारी संघटनेचे उपाध्यक्ष सुनील चव्हाण व सांगली जिल्हाध्यक्ष कैलास कोळेकर यांचे वतीने करण्यात आले आहे.
सांगली जिल्ह्यातील तब्बल १९ महसूल सहाय्यक यांची अव्वल कारकून संवर्गातील पदोन्नती झालेली असून एखाद्या मोठ्या प्रमाणात पदोन्नती होण्याची बहुदा ही पहिलीच वेळ आहे त्यामुळे या सुवर्ण क्षणचे साक्षीदार होण्यासाठी तसेच कर्मचारी यांना पुढील वाटचालीस शुभेच्छा देण्यासाठी तसेच सांगली जिल्हा पुणे विभाग व राज्य स्तरावरील महसूल कर्मचारी यांचे विविध विषयांवर राज्य स्तरावरील प्रमुख पदाधिकारी यांचे मार्गदर्शन असा संयुक्त कार्यक्रम रविवार दिनांक २७ मार्च २०२२ रोजी सकाळी ११ वाजता पाटबंधारे भवन मल्टीपर्पज हॉल चिंतामणी कॉलेज शेजारी विश्रामबाग सांगली येथे आयोजित करण्यात आलेला आहे, तरी सांगली जिल्ह्यातील सर्व कर्मचारी व पदाधिकारी यांनी उपस्थित राहावे. सदर कार्यक्रमास महाराष्ट्र राज्य महसूल कर्मचारी संघटनेचे कार्याध्यक्ष विलासराव कुरणे प्रमुख उपस्थिती व मार्गदर्शक म्हणून हजर राहणार आहेत.
