मिरज (खबऱ्या प्रतिनिधी) : मिरजेतील आदित्य डायग्नोस्टिक सेंटरचे डॉ. संतोष चंदू कुलगोड (वय 45 रा. आदीलक्ष्मी अपार्टमेंट, गुलाबराव पाटील मेडिकल कॉलेज जवळ मिरज) यांना बंद असलेल्या व पार्ट नसलेल्या सोळा स्लाईड सिटीस्कॅन मशिन देवून ५० लाखांची फसवणूक केल्याप्रकरणी कुलगोड यांनी चंद्रकांत कुमार शिंगाडे (वय ३५, रा.सी.३५ स्वप्नशिल्प फेज २ ओयासीस सिटी जवळ नर्हे जि.पुणे याच्याविरोधात गांधी चौकी पोलिसात फिर्याद दिली असून फसवणुकीचा गुन्हा दाखल झाला आहे.
अधिक माहिती अशी कि, डॉ. संतोष कुलगोड यांनी बेळगाव येथे आदित्य अँड एक्सेल डायग्नॉस्टीक सेंटर सुरू केले आहे. त्यासाठी ५६ लाख रूपये किंमतीच्या १६ स्लाइड सिटी स्कॅन मशिन बसवून देतो असे सांगून पुणे येथील चंद्रकांत शिंगाडे यांनी त्याच्या व्हीजन हेल्थकेअर सव्हिर्सेस या कंपनीच्या एच.डी.एफ.सी बॅक शाखा पुणे या बँकेच्या खातेक्रमांकावर ५० लाख रूपये आरटीजीएसने स्विकारले. शिंगाडे यांनी बंद असलेली व काही पार्ट नसलेले १६ स्लाईड सिटी स्कॅन मशिन दिली. मशिन बंद असल्याने संतोष कुलगोड यांनी शिंगाडे यांच्या संपर्क साधला परंतु त्यांनी कोणतेच उत्तर दिले नाही. आपली फसवणूक झाली आहे हे लक्षात येताच शिंगाडे कुलगोड यांनी गांधी चौकी पोलिसात शिंगाडे यांच्या विरोधात फिर्याद दिली असून पोलीस पुढील तपास करीत आहेत.
