मिरज प्रतिनिधी | खबऱ्या ऑनलाईन – लोकसभा निवडणुकीच्या तापत्या रणांगणात एक महत्त्वाची अपडेट समोर आली आहे. मिरज शहरातील एका पक्षाच्या कार्यालयात मिरजेतील काही नेत्यांची गुप्त बैठक पार पडल्याची माहिती समोर आली आहे. या बैठकीत महत्त्वाचा निर्णय घेण्यात आला आहे.
या बैठकीमध्ये महायुतीचे उमेदवार संजय पाटील यांच्या कारभाराबाबत नाराजी व्यक्त केली असल्याचेही माहिती मिळत आहे. तर महाविकास आघाडीचे उमेदवार चंद्रहार पाटील यांच्या बाबतीत विचार करू पण काही अटी शर्ती असल्याचे एका नेत्याने बोलून दाखवले.
शिवाय विशाल पाटील यांच्या भूमिकेकडे लक्ष लागून असल्याने विशाल पाटील हे अपक्ष लढल्यास सर्वजण मिळून त्यांना पाठिंबा देऊ, स्वाभिमानी शेतकरी संघटनेचे उमेदवार महेश खराडे यांनीही अर्ज माघारी घेऊन विशाल पाटील यांना पाठिंबा द्यावा, याचबरोबर वंचित बहुजन आघाडीचे प्रमुख प्रकाश तथा बाळासाहेब आंबेडकर यांच्या पाठिंब्याने ही विशाल पाटील यांना मदतच होईल. अशा प्रकारची चर्चा या गुप्त बैठकीमध्ये पार पडली.
याच नेत्यांमध्ये गोपनीयता राखून आणखीन काही मुद्द्यांविषयी चर्चा झाली असल्याने या सर्वांच्या भूमिकेकडे आता लक्ष लागले आहे.
