कुपवाड प्रतिनिधी / कुपवाड शहरातील उपनगरात युवकाने आत्महत्या केल्याची माहिती समजते आहे. कुपवाड शहरानजीक असणाऱ्या बामणोली रस्त्यालगत दत्तनगर भागातील राहत्या घरात २३ वर्षीय युवकाने नैराश्येतून घरातील लोखंडी अँगलला दोरीने गळफास घेवून आत्महत्या केल्याची घटना सायंकाळी ७:०० च्या सुमारास घडली.
अनिकेत संभाजी सरगर (वय २३) रा. दत्तनगर बामणोली असे मृत युवकाचे नाव आहे. अनिकेतच्या आत्महत्येचे कारण अस्पष्ट असल्याने, नेमकं कारण कळू शकले नाही. घटनास्थळी कुपवाड शहर संघर्ष समितीची रुग्णवाहिका तात्काळ उपलब्ध झाली.
या रुग्णवाहिकेचे प्रमुख अजय रायमाने यांनी तातडीने मृतदेह उत्तरीय तपासणीसाठी शासकीय वैद्यकीय महाविद्यालय व रुग्णालय मिरज येथे दाखल केला. घटनास्थळी कुपवाड पोलीस ठाण्याच्या कर्मचाऱ्यांनी धाव घेत माहिती घेतली, याचा अधिक तपास पोलीस करीत आहेत.
