मिरज /खबऱ्या प्रतिनिधी :- मिरजेतील चिवटे हॉस्पिटलजवळ सोहेल उर्फ फसीउल्लाह हसीउल्लाह शहा (वय २७) व अनिल विलास क्षीरसागर (वय २२) दोघे रा. प्रकाशनगर एकता कॉलनी ६ वी गल्ली कुपवाड रोड सांगली) या दोघांना सांगली स्थानिक गुन्हे अन्वेषण विभाग व मिरजेतील गांधी चौकी पोलिसांनी अटक केली. त्यांच्याकडून ५० हजार रूपये किंमतीचे देशी बनावटीचे पिस्टल, २०० रूपयांचे जीवंत काडतूस तसेच ५०० रूपये किंमतीची तलवार असा एकूण ५० हजार ७०० रूपयांचा मुद्देमाल जप्त करणेत आला.
आधिक माहिती अशी की, स्थानिक गुन्हे अन्वेषणचे प्रशांत माळी व आर्यन देशिंगकर यांना मिरजेतील चिवटे हॉस्पिटलजवळ काही अज्ञात इसम अवैध शस्त्रे बाळगून उभे असल्याची माहिती मिळाली. पोलिसांनी सापळा लावून या
दोघांनाही ताब्यात घेतले. त्यांची कसून चौकशी केली असता त्या दोघांनीही आपली नावे सोहेल उर्फ फसीउल्लाह हसीउल्लाह शहा व अनिल विलास क्षीरसागर असे सांगितले. अंगझडती घेतली असता त्यांच्याकडून पिस्टल, तलवार व जीवंत काडतुस जप्त करण्यात आले. दोघांनी पिस्टल व तलवार अहमदनगर येथून आणल्याचे सांगितले आहे. सदरची कारवाई पोलीस निरीक्षक सर्जेराव गायकवाड, महात्मा गांधी चौकी पोलीस ठाण्याचे पोलीस निरीक्षक रविराज फडणीस यांच्या मार्गदर्शनाखाली सहा. पो.नि. प्रशांत निशानदार, अरुण औताडे, संदीप नलवडे, हेमंतकुमार ओमासे, चेतन महाजन, संदीप पाटील, सचिन धोत्रे, प्रशांत माळी व आर्यन देशिंगकर यांनी केली. अधिक तपासकामासाठी दोघा आरोपींना मिरज गांधी चौकी पोलिसांकडे सुपूर्द केले आहे.
