जयसिंगपुर : खबऱ्या प्रतिनिधी/ धारदार शस्त्र बाळगल्या प्रकरणी जयसिंगपुर पोलिसांनी एका तरुणाला अटक केली आहे. ही कारवाई सोमवार दि.२३ रोजी जयसिंगपुर शहरातील बस स्थानकामधील स्वच्छता गृह येथे करण्यात आली. प्रदीप नारायण तलवार वय वर्ष २३ रा.मच्छी मार्केट जयसिंगनगर असे अटक केलेल्या तरुणाचे नाव आहे. याप्रकरणी पोलीस शिपाई रोहित डावाळे यांनी जयसिंगपूर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपी प्रदीप याने विनापरवाना ६ इंच पोलादी मूठ असलेला व १८ इंच पाते असलेले हत्यार बाळगून समाजातील लोकांच्यात दहशत माजवण्याच्या उद्देशाने बाळगले असल्याची माहिती पोलिसांना मिळाली असता, प्रदीप यास ताब्यात घेतले. त्याच्याकडून १०००/- रु.किमतीचे धारदार शस्त्र जप्त करण्यात आले. पोलीस निरीक्षक राजेंद्र मस्के यांच्या मार्गदर्शनाखाली पोलीस नाईक अभिजित भातमारे अधिक तपास करत आहेत.
