खास प्रतिनिधी | गोपनीय खबऱ्या
उद्धव ठाकरे यांनी त्यांचा मराठवाडा दाैरा जाहिर केला आहे. शेतकऱ्यांचे झालेले नुकसान ते पाहणार असून सरकारकडून शेतकऱ्यांना नेमकी काय मदत पोहोचली हे देखील ते बघणार आहेत. यादरम्यान त्यांनी सरकारवर जोरदार टीका केली.
राज्यात झालेल्या अतिवृष्टीनंतर उद्धव ठाकरे हे मराठवाड्याच्या दाैऱ्यावर जाणार आहेत. उद्धव ठाकरे यांनी स्पष्ट म्हटले की, शेतकऱ्यांना मदत केलेल्या पॅकेजची नेमकी काय मदत पोहोचली हे मी पाहणार आहे. सर्व आकडेवारी पुढे आहे, अभ्यास करत बसू नका, आमचे सरकारला स्पष्ट म्हणणे आहे, खरडून गेलेल्या जमिनीसाठी शेतकऱ्यांना माती द्या. मुळात म्हणजे कर्जमाफी झाली पाहिजे, ही शेतकऱ्यांची मागणी आहे. आजही शेतकऱ्यांची तीच मागणी आहे. कर्जमुक्तीसाठी शेतकरी रस्त्यावर उतरला तर त्याला सरकारने जूनचा वादा केलाय. केंद्रीय पथक राज्यात नुकसानाची पाहणी करणार आहे. जर पुढच्या वर्षी जूनमध्ये कर्जमाफी होणार असली तर आतापर्यंत कर्जाचा डोंगर डोक्यावर असलेल्या शेतकऱ्यांनी हप्ते भरायचे की नाही? सरकारकडून शेतकऱ्यांची थट्टा चाललीये.
पुढे बोलताना उद्धव ठाकरे यांनी म्हटले की, राज्याकडून केंद्राला कोणताही प्रस्ताव गेल्याचे वाटत नाही. मुख्यमंत्र्यांनी एक विधान केले आहे की, कर्जमुक्ती केली तर बॅंकांचा फायदा होईल, म्हणून ही कर्जमाफी करत नाहीत. जूनमध्ये कर्जमाफी केली तर बॅंकांचा फायदा होणार नाही. त्यांचे अर्थशास्त्र चांगले आहे असे त्यांना वाटते. मग त्यांनी त्याचा खुलासा केला पाहिजे. माझे स्पष्ट म्हणणे आहे की, मी मुख्यमंत्री असताना एकच अधिवेशन झाले नागपूरला.
